இயக்குனர் மற்றும் நடிகர் கே பாக்யராஜ் மறைவு ரசிகர்கள் மத்தியில் மட்டுமின்றி அவருடன் நடித்த பழகிய திரையுலக நடிகர் நடிகைகளுக்கும் பலத்த அதிர்ச்சியை தந்துள்ளது. நடிகர்கள் கமல்ஹாசன் ரஜினிகாந்த் உள்ளிட்ட முன்னணி ஹீரோக்களுடன் நெருக்கமான நட்பில் இருந்தவர்.
பாரதிராஜா இயக்கிய 16 வயதினிலே சிகப்பு ரோஜாக்கள் போன்ற படங்களில் ரஜினி கமலுக்கு உதவி இயக்குனராக நடிப்பு சொல்லிக் கொடுத்து டயலாக் பேச வைத்தவர் கே பாக்யராஜ் தான். பாரதிராஜா கடந்த 10ம் தேதி மறைந்த நிலையில் 17 நாட்களில் அவரது சீடர் கே பாக்யராஜூம் மறைந்து விட்டார். குருநாதர் மறைந்த நிலையில் 2 வாரங்களில் பாக்யராஜூம் இறந்து விட்டார்.
நடிகர் கமல்ஹாசன் இதுகுறித்து தனது வலைதள பதிவில், கே பாக்யராஜ் என்கிற எனக்கு 50 வருடங்களுக்கு முன் அறிமுகமான ராஜன் இன்று இல்லை. ஒரே மாதத்தில் இரண்டு ராஜாக்களை இழந்து விட்டது தமிழ் கூறும் நம் சினிமா என்று நடிகரும் மக்கள் நீதி மய்யம் கட்சியின் தலைவருமான கமல்ஹாசன் தனது பதிவில் இரங்கல் தெரிவித்திருக்கிறார்.
மேலும் நடிகர் கமல்ஹாசன் இன்று மாலையில் நுங்கம்பாக்கத்தில் உள்ள பாக்யராஜ் வீட்டுக்கு நேரில் வந்தார். பாக்யராஜ் உடலுக்கு மலர் மாலை போட்டு அஞ்சலி செலுத்தினார். அங்கு இருந்த பூர்ணிமா மற்றும் அவரது குடும்பத்தினருக்கு ஆறுதல் தெரிவித்து விட்டுச் சென்றார்.
மறைந்த இயக்குனர் கே பாக்யராஜ் உடலுக்கு அஞ்சலி செலுத்திய பின் நடிகர் ராமராஜன் செய்தியாளர்களிடம் கூறியதாவது, இப்படி ஒரு திடீர் முடிவை நான் எதிர்பார்க்கவே இல்லை. பாக்யராஜ் மறைவை ஏற்க முடியவில்லை. இவ்வளவு சீக்கிரமாக அவர் மறைந்து போவார் என்று எதிர்பார்க்கவே இல்லை. அவரது குடும்பம் அவரது பிரிவால் வாடுவது வேதனையாக உள்ளது.
இயக்குனர் பாரதிராஜா சமீபத்தில் தான் இறந்தார். அவரது மகன் மனோஜ் இறந்தபிறகு ஒரு வருஷம் வரை அவர் தாக்கு பிடித்தார். ஆனால் தனது குருநாதர் பாரதிராஜா மறைவுக்கு பின் ஒரு மாதம் கூட அவரது சிஷ்யர் பாக்யராஜ் இருக்கவில்லை. அந்த அளவுக்கு குருவின் மறைவு அவருக்கு மன உளைச்சலை தந்திருக்கிறது என்று கருதுகிறேன் என்று நடிகர் ராமராஜன் வருத்தமாக கூறியிருக்கிறார்.
