இயக்குனர் லோகேஷ் கனகராஜ் இயக்கத்தில் நடிகர் ரஜினிகாந்த் நடிப்பில் கடைசியாக வெளியான படம் கூலி. சன் பிக்சர்ஸ் தயாரித்த இந்த படம் ரஜினிகாந்த் நடித்த 171வது படமாக இருந்தது. இந்த படம் எதிர்பார்த்த அளவுக்கு வரவேற்பை பெறவில்லை என்றாலும் வணிக ரீதியாக இந்த படம் நஷ்டத்தை தரவில்லை என்பதும் குறிப்பிடத்தக்கது.
கூலி படத்தை தொடர்ந்து நடிகர் ரஜினிகாந்த் தனது 172வது படமாக நெல்சன் இயக்கத்தில் ஜெயிலர் 2 படத்தில் நடித்து முடித்தார். இந்த படம் ஏற்கனவே 2023ம் ஆண்டில் வெளியாகி மாபெரும் வெற்றி பெற்ற படமாகும். இந்த படம் ரூ. 600 கோடிக்கு மேல் வசூலித்த நிலையில் இந்த படத்தை 2ம் பாகமாக தயாரிக்க சன் பிக்சர்ஸ் முடிவு செய்தது.
நெல்சன் இயக்கத்தில் ஜெயிலர் 2 படப்பிடிப்பு கடந்த ஓராண்டுக்கு மேலாக நடந்து முடிந்த நிலையில் இந்த படம் பெரிய எதிர்பார்ப்புகளுக்கு மத்தியில் வருகிற அக்டோபர் 15ம் தேதி வெளியாக உள்ளது. இந்த படத்தில் ரஜினியுடன் ரம்யா கிருஷ்ணன் மோகன்லால் சிவராஜ்குமார் இந்திய நடிகர் ஹிருத்திக் ரோஷன் விஜய் சேதுபதி எஸ்ஜே சூர்யா உள்ளிட்டோரும் நடித்திருக்கின்றனர்.
ஜெயிலர் முதல் பாகத்தை போலவே 2ம் பாகத்துக்கும் அனிருத் இசையமைத்துள்ளார். ஜெயிலர் படத்தின் மாஸ் ஹிட்டுக்கு அனிருத்தின் இசை மிக முக்கிய காரணமாக இருந்தது. அதனால்தான் படத்தின் நாயகன் ரஜினி இயக்குனர் நெல்சன் மற்றும் இசையமைப்பாளர் அனிருத் என 3 பேருக்கும் சன் பிக்சர்ஸ் கலாநிதி மாறன் 3 விலை உயர்ந்த கார்களை பரிசளித்தார்.
ஜெயிலர் 2 படத்தை தொடர்ந்து இயக்குனர் அஸ்வத் மாரிமுத்து இயக்கத்தில் நடிகர் ரஜினிகாந்த் தனது 173வது படமாக தர்மன் என்ற படத்தில் நடித்து வருகிறார். இந்த படத்தில் சிம்ரன் நாயகியாக நடிக்கிறார். இந்த படத்தை நடிகர் கமல்ஹாசன் தனது சொந்த தயாரிப்பு நிறுவனம் ராஜ்கமல் பிலிம்ஸ் மூலம் தயாரிக்கிறார்.
தர்மன் முதல்கட்ட படப்பிடிப்பு நடந்து முடிந்த நிலையில் 2ம் கட்ட படப்பிடிப்பு சென்னையில் நேற்று துவங்கி விறுவிறுப்பாக நடந்து வருகிறது. இந்த நிலையில் தர்மன் படம் வருகிற பொங்கலுக்கு அதாவது ஜனவரி 14ம் தேதி ரிலீஸ் என்ற தகவல் வெளியாகி உள்ளது. அக்டோபர் 15ம் தேதி ஜெயிலர் 2 அதை தொடர்ந்து 3 மாதங்களில் தர்மன் படம் ரிலீஸ் என ரஜினியின் 2 படங்களும் அடுத்தடுத்து வெளியாவது ரசிகர்களை உற்சாகப்படுத்தியுள்ளது.
