இறப்பதற்கு முன்பே அப்படி ஒரு தியாகத்தை செய்த இயக்குனர் கே பாக்யராஜ் – மறைந்த பிறகும் வாழ்கிறாரே? நெகிழ்ந்து போன ரசிகர்கள்!

தமிழ் திரைப்பட இயக்குனர் மற்றும் நடிகர் கே பாக்யராஜ் இன்று காலை சென்னையில் காலமானார். காலையில் வாக்கிங் சென்று விட்டு திரும்பி வந்தபோது திடீரென உடல் நலம் பாதிக்கப்பட்டு அவர் உயிரிழந்தார். 2 வாரங்களுக்கு முன்புதான் அவரது குருநாதர் இயக்குனர் பாரதிராஜா காலமானார். இப்போது அவரது சிஷ்யர் பாக்யராஜ் திடீரென மறைந்தது ரசிகர்களுக்கு பேரதிர்ச்சியை தந்துள்ளது.

கோவாவில் நடந்த குஷ்பு சுந்தர் சி மகள் அவந்திதா திருமண விழாவில் பங்கேற்ற பிறகு கே பாக்யராஜ் நேற்று இரவு சென்னைக்கு திரும்பியுள்ளார். நேற்று நல்ல நிலையில் காணப்பட்ட அவர் இன்று காலை திடீரென மாரடைப்பு ஏற்பட்டு மறைந்து விட்டார். திடீரென ஏற்பட்ட அவரது மறைவு திரையுலகினர் மத்தியில் பலத்த அதிர்ச்சியை ஏற்படுத்தியுள்ளது.

சென்னை நுங்கம்பாக்கத்தில் உள்ள பாக்யராஜ் இல்லத்தில் அவரது உடல் அஞ்சலிக்காக வைக்கப்பட்டுள்ளது. தமிழக முதல்வர் விஜய் நடிகர் ரஜினிகாந்த் கமல்ஹாசன் திமுக தலைவர் ஸ்டாலின் உள்பட நடிகர் நடிகைகள் இயக்குனர்கள் என திரையுலகினர் அரசியல் கட்சியினர் பலரும் கே பாக்யராஜ் உடலுக்கு அஞ்சலி செலுத்தி வருகின்றனர்.

நாளை காலை 9.30 மணி வரை அவரது உடல் அஞ்சலிக்காக வைக்கப்பட்டு பிறகு ஊர்வலமாக எடுத்துச் செல்லப்பட்டு தகனம் செய்யப்பட உள்ளதாக இயக்குனர் மற்றும் நடிகர் பார்த்திபன் அறிவித்துள்ளார். இயக்குனர் கே பாக்யராஜிடம் உதவி இயக்குனராக பணிசெய்தவர் பார்த்திபன் என்பது குறிப்பிடத்தக்கது.

இயக்குனர் பாக்யராஜ் ஏற்கனவே தனது கண்களை தானம் செய்வதாக கூறியிருந்தார். அவர் இன்று காலை இறந்ததை அடுத்து அவரது கண்கள் மருத்துவமனைக்கு தானமாக அளிக்கப்பட்டது. மருத்துவ குழுவினர் வந்து அதற்கான பணிகளை மேற்கொண்டு பாக்யராஜின் கண்களை தானமாக பெற்று சென்றனர்.

மறைந்த பின்னரும் கூட அவர் யாரோ ஒருவரின் வாழ்வில் ஒளி ஏற்ற பார்வையாக போகிறார் என்பது கே பாக்யராஜின் மனிதநேயமிக்க சிறந்த பண்பை வெளிப்படுத்துவதாக ரசிகர்கள் நெகிழ்ச்சியாக கூறுகின்றனர். நாளை மதியம் அவரது இறுதி சடங்குகள் நடக்க உள்ளதாக தகவல் வெளியாகி உள்ளது.