தமிழ் சினிமாவில் 50 ஆண்டுகளாக கொண்டாடப்படும் சூப்பர் ஸ்டார் ரஜினிகாந்தின் மனைவி லதா ரஜினிகாந்த் தற்போது மக்கள் மேடை என்ற பெயரில் புதிய இயக்கம் ஒன்றை துவக்கியுள்ளார். இதுகுறித்து அவர் தனது இன்ஸ்டாகிராம் பக்கத்தில் வெளியிட்ட ஒரு வீடியோவில் கூறியிருப்பதாவது, மக்கள் மேடை என்பது இது மக்களின் இயக்கம். நம் தமிழகத்தின் வளர்ச்சிக்காகவும் நன்மைகளுக்காகவும் ஒன்றிணைவோம்.
உங்களிடம் இருக்கும் ஆக்கபூர்வமான கருத்துக்கள் அனுபவங்கள் மற்றும் திறமைகளை மக்கள் சேவைக்காக பயன்படுத்த இது ஒரு சிறந்த தளம். அரசு அதிகாரிகள் ஆசிரியர்கள் ஓய்வு பெற்ற மூத்த குடிமக்கள் இளைஞர்கள் என மாற்றத்தை விரும்பும் அனைத்து தரப்பு மக்களும் எங்களோடு கைகோர்க்கலாம். வாருங்கள்.
ஒன்றாக சேர்ந்து ஒரு பெரும் மக்கள் சக்தியாக உருவெடுத்து நல்ல பல காரியங்களை செய்வோம். ஒன்றாக சேருவோம். மக்கள் மேடை எங்களுடன் சேர்ந்து சிட்டிசன் பிளாட்பார்ம் என்ற எங்கள் அமைப்புடன் சேர்ந்து தமிழகத்துக்காக வேலை செய்ய நினைப்பவர்கள் ஒன்றாக சேரலாம். ஒன்றாக சேர்ந்து தொடர்பு கொண்டு பெரும் மக்கள் சேவையாக மக்கள் சக்தியாக உருவாகி இந்த மாநிலத்திற்கு பல நன்மைகள் செய்ய முன் வாருங்கள்.
ஒன்றாக சேருவோம். ஆக்கபூர்வமான காரியங்களை செய்வோம். மக்கள் மேடை என்ற இந்த அமைப்பில் யாரெல்லாம் சேரலாம் என நினைத்தால் சாமானிய மக்கள் யாராக இருந்தாலும் ரிசோர்ஸ் மக்கள் சக்தி. உங்கள் எண்ணம் உங்களுக்கு பங்களிப்பு அளிக்க வேண்டிய மனம் இருக்கும்.
அனைவரும் மாநிலத்திற்காக ஒன்று சேர்கிறோம். எங்கள் பங்களிப்பை அளிக்கிறோம் என நினைப்பவர்கள் ஒன்று சேரலாம். மூத்த குடிமக்கள் ஐஏஎஸ் ஐபிஎஸ் தபால் ஊழியர்கள் ஆசிரியர்கள் இராணுவ வீரர்கள் என யாராக இருந்தாலும் உங்கள் அனுபவத்தை எங்களுக்கு கொடுக்கலாம். எங்களை தொடர்பு கொண்டு தொகுதிக்காகவும் தமிழகத்திற்காகவும் வேலை செய்யலாம்.
மாநிலத்திற்காக பணியாற்றக்கூடிய உள்ளூர் தலைவர்களை உருவாக்க விரும்புகிறோம். ஏராளமான கொள்கை திட்டம் பங்களிப்பை மாநிலத்திற்கு அளிக்க மக்கள் விரும்புகின்றனர். எனவே அத்தகைய மக்கள் ஒன்று சேர வேண்டும். நன்றி வணக்கம் என்று அந்த வீடியோவில் லதா ரஜினிகாந்த் பேசியிருக்கிறார். இது எதிர்காலத்தில் அரசியல் இயக்கமாக மாற வாய்ப்புள்ளதா என ரஜினி ரசிகர்கள் கேள்வி எழுப்ப துவங்கியுள்ளனர்.
