தென்னிந்திய திரைப்பட எழுத்தாளர் சங்கத்தின் தலைவராக இருந்தவர் இயக்குனர் கே பாக்யராஜ். அவரது செயல்பாடுகள் மிகவும் சிறப்பாக இருந்த நிலையில் மீண்டும் அவரே தலைவராக தேர்வு செய்யப்பட வேண்டும் என்ற நிலையில் திரைப்பட எழுத்தாளர்கள் சங்கம் இருந்தது. அதே நேரத்தில் ஒரு தரப்பினர் அவர் வேண்டாம் புதிய தலைவரை தேர்வு செய்யலாம் என்றும் கருதினர்.
இந்த சூழ்நிலையில் கடந்த மாதம் இயக்குனர் கே பாக்யராஜ் திடீரென மறைந்தார். இந்நிலையில் தென்னிந்திய திரைப்பட எழுத்தாளர்கள் சங்கத்தின் புதிய நிர்வாகிகளுக்கான தேர்தல் நேற்று சென்னையில் நடந்தது. இதில் நம்ம கே பாக்யராஜ் அணி சார்பில் தலைவர் பதவிக்கு இயக்குனர் சேரனும் திரைக்கதை மன்னன் கே பாக்யராஜ் அணி சார்பில் தலைவர் பதவிக்கு விசி குகநாதனும் போட்டியிட்டனர்.
துணைத் தலைவர்கள் பொதுச் செயலாளர் பொருளாளர் இணைச் செயலாளர் என மொத்தம் 21 பொறுப்புகளுக்கு இரண்டு அணிகள் சார்பாகவும் போட்டியிட்டனர். திரைப்பட எழுத்தாளர் சங்கத்தில் உள்ள 692 உறுப்பினர்களில் 483 பேர் ஓட்டு அளிக்க தகுதி பெற்றவர்களாக தேர்தல் அதிகாரிகள் சார்பில் தெரிவிக்கப்பட்டது. நேற்று காலை 8 மணி முதல் மாலை 4 மணி வரை ஓட்டுப்பதிவு நடந்தது.
தேர்தல் முடிவில் நம்ம கே பாக்யராஜ் அணி சார்பில் போட்டியிட்ட இயக்குனர் சேரன் அதிக ஓட்டுக்கள் பெற்று தலைவராக தேர்வு செய்யப்பட்டார். துணைத் தலைவர்களாக சேரன் அணியை சேர்ந்த இயக்குனர் சமுத்திரக்கனி கவிஞர் சினேகன் செயலாளராக எழுத்தாளர் பட்டுக்கோட்டை பிரபாகர் ஆகியோர் வெற்றி பெற்றனர்.
சங்கத்தில் உள்ள நான்கு இணைச்செயலாளர் பதவிகளுக்கு நடைபெற்ற தேர்தலில் திரைக்கதை மன்னன் கே பாக்யராஜ் அணியைச் சேர்ந்த கவிஞர் முத்துலிங்கம் வி பிரபாகர் எஸ் ரவி மரியா ஆகியோரும் நம்ம கே பாக்யராஜ் அணியை சேர்ந்த பாஸ்கர் சக்தி ஆகியோரும் வெற்றி பெற்றனர். பொருளாளர் பதவியில் நம்ம கே பாக்யராஜ் பணியைச் சேர்ந்த இயக்குனர் ஆர் சுந்தர்ராஜன் வெற்றி பெற்றார்.
தேர்தல் வெற்றிக்கு பிறகு செய்தியாளர்களை சந்தித்த சங்கத்தின் தலைவர் சேரன் கூறியதாவது, இந்த தேர்தலில் உண்மையில் வெற்றி பெற்றவர் இயக்குனர் கே பாக்யராஜ் தான். மாற்று அணியிலிருந்து வெற்றி பெற்றவர்களும் நம்முடன் இருந்தவர்கள்தான். அந்த நிர்வாகிகளையும் அரவணைத்து அனைவரையும் இணைத்து சங்கத்தின் வளர்ச்சிக்காக ஆக்கபூர்வமான பணிகளை மேற்கொள்வோம் என்று சேரன் கூறினார்.
